MUKABAT sa P6 Milyones ka pesos ang nahimong budget sa gikahinamang F’lomlok Festival ug 65th Founding Anniversary sa Polomolok, South Cotabato sa umaabot nga Setyembre 5 hangtud Setyembre 10, 2022.
Gibutyag ni Polomolok Mayor Engr. Jojo Palencia nga kaniadtong Agosto 22 nagsugod na ang ilang mga aktibidad alang sa maong selebrasyon sama sa mga sports fest ug Diwata ng Polomolok.
Dugang pa niini nga human sa 2 ka tuig nga walay aktibidad ang nahitabo tungod sa pandemiya mamahimong ibalik na ang mga gikahinamang mga parada ug street dancing ug uban pang exciting activities nga masayran sa umaabot nga kapiyestahan.
Gi-awhag sa nahisgutang Mayor ang katawhan sa SOCSARGEN o bisan asa mang bahin sa nasud nga saksihan ang selebrasyon sa munisipyo.
Usa matud pa kini ka pamaagi aron mas mapakusgan pa ang turismo sa Polomolok, South Cotabato. I MJ Fernandez
