BUGTONG misa ang aktibidad sa labing dako ug tinuig nga selebrasyon sa pyesta sa Sto. Niño sa Barangay Bula, GenSan sa Enero 15. Ang pagkansela sa mga aktibidad nga ginadagsa sa katawhan ang dungan sa pagsaka subli sa kaso sa Covid-19.
Matud ni Kapitan Nicanora Vargas, nagpulong sila gahapon aron ilatag ang seguridad sa pipila ka aktibidad nga gipabilin nila. Nagdesisyon subli sila pag-hold sa aktibidad sa sama sa Isda-Isdaan Festival, Sinulog street dancing ug ang traditional “Pahalik sa Imahe ang aron likayan ang pagkatap sa virus.
Dugang ni Vargas, ang pagkansela nila sa maong mga aktibidad ang base sa konsultasyon nga gihimo kauban ang Sto. Niño de Bula Parish, cstakeholders ug LGU. Ang pyesta sa Sto. Niño de Bula ang gikonsidera nga labing dako nga religious celebrations sa rehiyon-12 nga sagad ginadagsa sa naa sa 10,000 ka deboto ug bisita.
Usa sa highlight niini ang fluvial procession sa Sarangani Bay nga tambongan sa gatusan ka bangkang panagatan sa lugar, asa sagad sa mga pioneer sa multimillion fishing industry nga naggikan.
