ANDAM na nga magpa-assist unta sa kapulisan si Kagawad Franklin Gacal Jr. aron sa pag-aresto sa mga konsehal aron patambungon sa session adlawng Miyerkules. Kini ang gibutyag ni Gacal human nga kinahanglanon matud pa ang quorum aron matuki ang appointment ni Genelene Vidanes.
Giklaro pa niini nga nalatid sa local government code nga pwedeng arestuhon ang kinsa mang miyembro sa konseho nga nag-absent nga walay balidong rason.
Una matud pa niining planong ipaaresto aron patambungon sa session si Kagawad Van Dyke Congson, apan mitambong kini, sunod silang Kagawad John Demdam ug Kagawad Liklik Tan.
Nagtuo si Gacal nga may nagpahibalo kang Congson nga tinud-on ang pagpa-aresto sa nahisgutan mao nga mitambong sa session.
Si Congson ang author sa pagpaaproba sa appointment kang Vidanes.
Gipaklaro ni Gacal tungod wala maaprobahan sa konseho ang appointment ni Vidanes isip labaw sa CSWD mao nga dili na kini mahimong muhupot sa maong posisyon.
