Mitanyag ang St. Augustin Cathedral nga mahimong vaccination site ang simbahan sa gitakda nga Bayanihan Bakunahan” National COVID-19 Vaccination Days nga magsugod sa Nobyembre 29 hangtod sa Disyembre 1 ning tuiga.
Kini ang gikompirma ni Department of Health Regional Office 10 Assistant Regional Director Dr. Ellenieta Gamolo.
Dugang niini nga gawas sa St. Augustin, lauman sab nga daghan pa ang magbukas nga vaccination site. Una nang mitanyag ang pipila ka pribadong sektor sa maong lakang aron mapadali ug mapalapad pa ang Bayanihan Bakunahan nga nagtumong mubakuna sa daghang indibidwal aron ma-abot ang target nga herd immunity. –END- (Claudine)
