Nasunog ru sangka residential boarding house nga himo sa konkreto ag light materials sa Brgy. Kulong-kulong, Ibajay, Aklan kahapon.
Sa imbistigasyon, gina panag-iyahan ni Emilyn Isuga ru nasunog nga residential boarding house apang presenting naga board si Melvylie Candarie, 47 anyos, sangka maestra.
Suno kay Candarie, gin sindihan ru kandila sa altar ag matapos ru pilang minutos, nabati-an eamang nga may eomupok.
Ikara nakita ru aso ag gulping nag ab-ab ru kaeayo sa nasambit nga residential boarding house.
Apektado it sunog ru sala, 3 ka kwarto ag kusina nga na fire-out matapos ru sang oras nga pagkasunog.
Gina bana bana nga naga abot sa P20 mil ru danyos nga hatud it sunog.
Sa makaron, padayon pa ru imbisitgasyon it mga otoridad.//MARIVIC Y. ILIN
