Gina-enganyo sang Social Security System (SSS) – Capiz ang pila ka mga indibidwal nga nagatrabaho kag may yara sang reklamo sa ila previous kag recent employer matapos wala mahulugan ang ila account nga mag-file sang complaint agud mahatagan sang aksyon.
Ginpahayag ni Rene Moises Gonzales, SSS – Capiz Branch Manager, nga dapat may yara sang complaint nga ihatag agud ila mapa-black list ang employer.
Dugang pa sini nga sa tion nga magpangayo sang clearance ang employer sa nasambit nga ahensya, diri nila makita nga may yara ini sang record.
Antes makakuha sang clearance pabayaron anay sila sang sss sang ila mga wala nabayaran nga empleyado.
Suno kay Gonzales, kalabanan sa mga nagareklamo amo ang mga security guard kag diser sa mall nga under sa agency.
Nagpanugyan si Gonzales sa mga kasubong sini nga empleyado nga mangin vigilante kag dapat ila masami i-monitor ang ila account sa SSS kun ini ang ginahulagan sang ila employer kada bulan.
Kun mapamatud-an nga matuod ang reklamo sang trabahador posible nga magabayad sang danyos ang employer magluwas pa sa pagabayaran sini sa iya empleyado. | Judy Ann Juare
