Kasalukuyang isinasagawa ang pagpupulong sa pagitan nina Pangulong Bongbong Marcos at Vietnamese President Võ Văn Thưởng sa Presidential Palace sa Hanoi, Vietnam.
Bago ito, binigyan ang Pangulo ng arrival honors at nag alay din ito ng bulaklak sa Monument of National Heroes and Martyrs.
Una nang sinabi ni Pangulong Marcos sa kanyang departure ceremony kahapon na kabilang sa kanilang tatalakayin ang food security, agricultural cooperation, trade and investment at marami pang iba.
Nabatid na nasa Vietnam ang Pangulo para sa dalawang araw na state visit.
