Sa kauna-unahang pagkakataon – humarap na sa mga kawani ng media si Justice Secretary Remulla matapos ang kaniyang na-file na 10-day wellness leave.
Sa pulong balitaan, kinumpirma ng Kalihim na sumailalim siya sa heart bypass surgery noong June 27 matapos ang nakitang bara sa kaniyang puso.
Kung hindi raw ito naagapan ay maaari itong magdulot ng stroke o atake sa puso.
Samantala, sa Lunes ay nakatakda na raw siyang opisyal na mag-back-to-work at pupulungin niya ang mga undersecretaries at assistant secretaries para talakayin ang iba’t ibang issues at trabaho sa Kagawaran.
