PAG-ANGKON og social protection ug benipisyo alang sa mga job order ug contractual sa mga Barangay Local Government Unit ang tumong sa Social Security System sa gihimong Memorandum of Agreement signing tali sa maong ahensya ug sa Barangay Dadiangas South, Gensan, Desyembre 12.
Sa pagkighinabi sa Brigada News FM kay Noel Nacion ang SSS-specialist ug Communication officer sa SSS-Gensan nga ang MOA sigining ang may kalabutan sa Kaltas Collect program ug paglusad sa SSS E-Center sa maong Barangay.
Tumong sa Kaltas Collect Program nga ang tanang Job Order ug Contractual sa mga Barangay nga dili pa miyembro sa SSS ang mamahimong ipa-miyembro aron makaangkon og social protection ug benepisyo pag abot sa panahon nga manginahanglan sila og tabang sa maong ahensya.
Sumala pa ni Nacion nga ang atol sa ilang sweldo ang barangay na ang mamahimong mukaltas sa ilang kontribusyon ug iremit sa buhatan sa SSS.
Samtang ang gilusad nga SSS E-center ang makatabang matud pa sa pag-assist sa mga benepisyaro nga makahibalo sa pag gamit sa online system sa SSS ilabi na ang pag access sa website sa maong ahensya nga walay bayad ang serbisyo o libre alang sa mga kunstiwente.
Dugang pa ni Noel Nacion nga ang mga nasampit nga programa ang bagohay lamang gilusad sa SSS sa tibuok nasud ug pinakaunang gilusad sa Barangay South ang E-Center dinhi sa Gensan.
Human ang Barangay South, sunod nga adtuan sa SSS ang Barangay Tambler karong adlawa sunod ang Barangay Fatima ug ang nahabiling barangay ang mamahimong adtuan sunod bulan human ang pasko ug selebrasyon sa bagong tuig. I MJ Fernandez
