NAKABAWI na ang pipila ka mga negosyante sa mga Christmas parol sa Gensan human ang nilabay nga mga katuigan nga nakasinati ug daghang restrictions tungod sa pandemiya. Si Dong Cañete, usa sa mga negosyante og Christmas parol ang nagkanayon nga dakong tabang ang subling pag balik sa face to face classes mahitungod kasagarang mamalit kanila mao ang mga estudyante, magtutudlo, mga ginikanan ug ubang mga establishment.
Gibutyag niini nga niaging tuig anaa lamang sa 40% ang ilang halin sa ilang parol apan sa kasamtangan anaa na sa 60% ug naglaom nga pagkuhuman sa bulan sa Disyembre mas mutaas pa kini.
Ang mga presyo sa parol ang mudagan gikan sa P80 hangtud P1,500 depende matud pa sa klase. Nasayran nga gikan pa sa Maa, Davao City ang mga nahisgutang negosyante ug kada tuig mulugsong sa siyudad sa GenSan aron mamaligya og parol. I MJ Fernandez
