GIHANGYO sa mga vendors nga sakop sa Fireworks Association sa Gensan nga ibalik sila sa Oval Plaza alang sa takda nilang pag display ug pagbaligya sa ilang mga pabuto alang sa Kapaskohan ug Bag-ong tuig.
Sa impormasyon nga nakuha sa Brigada News FM kay Geovannie Man-on gikan sa buhatan sa Department of Trade and Industry nga atol matud pa sa gihimo nilang pakigpulong sa maong asosasyon kauban ang mga sakop sa BFP ug City Permits and Licenses Division, usa sa mga hangyo ug suhestyun sa mga miyembro nga ibalik sila sa Oval Plaza tungod sa nakalabay nga tuig sa area sa Barangay South sila nag muntar sa ilang mga stalls isip kamanduan sa lokal nga panggamhanan.
Apan sa maong higayon, daghan matud pa ang wala masayod nga sa maong lugar sila gibutang rason nga hinay ang benta sa pipila ka mga vendors mahitungod na-andan na sa publiko nga sa Oval plaza ang ilang laray sa mga pabuto.
Sumala pa ni Man-on nga sa kasamtangan, nagpaabot pa sila sa mando sa LGU kung asa ibutang mga fireworks vendor association aron maksugod na usab sila sa ilang pag inspeksyon sa kada produktong ibaligya ngadto sa publiko. I MJ Fernandez
