Nag-surrender na sa US feds ang ilang opisyal ng Smartmatic na kabilang sa mga kinasuhan ng bribery, kasama si dating Commission on Elections (COMELEC) chairperson Andy Bautista.
Sumuko sa Miami federal court sina Roger Piñate, ang founder ng kumpanya; at ang dating vice president for hardware development na si Jorge Miguel Vasquez.
Hindi naghain ng plea si Piñate, pero nakalaya rin matapos makapagbayad ng $8.5-M na bond.
Si Vasquez naman ay naghain ng not guilty plea; at nakalaya sa $1-M bond.
Kung maaalala, sa hiwalay na social media post, sinabi ni Bautista na ‘politically influenced’ ang naturang hatol ng US Court, at tiniyak na patuloy daw siyang lalaban.
#
