Himas rehas na sa Sigma Municipal Police Station ang isa ka Street Level Individual (SLI) matapos nadakpan sa ginkasa nga drug buy bust operation sa Brgy. Amaga, Sigma, Capiz takna alas 11:18 kagab-i sang Huwebes, Agosto 8.
Ginkilala ang nadakpan kay Alyas “Nonoy”, 33-anyos, residente sang Brgy. Ondoy, Ivisan.
Nakuha sa paghinakop kag kontrol sang suspetsado ang apat tanan ka sachets sang ginasuspetsahan shabu lakip na ang nabakal sang police poseur buyer, P500 nga buy bust money kag pila ka mga non-drug items.
Ginabanta nagabug-at sang 3 gramos ang nakumpiskar nga iligal nga droga kag may Standard Drug Price nga P20,400.
Sa karon, ginpaidalom na ini sa drug test kag natalana nga pasakaan sang nagakaigo nga panumbungon. | Judy Ann Juare
