Reymund Titong
KABANKALAN CITY, Negros Occidental — Opisyal na nga nag-file sang iya certificate of candicacy (COC) si sitting Kabankalan City councilor Rey Cordero, subong nga Lunes, Oktubre 7, sa pagka Vice Mayor para sa 2025 local elections.
Si Cordero yara na sa iya katapusan nga termino bilang konsehal sang syudad, kag ang iya mangin kasumpong sa masunod nga eleksyon amo si incumbent Vice Mayor Miguel Zayco, nga una na naka-file sang iya COC sang Sabado, Oktubre 5.
Isa pa ka ginalantaw nga posible mangin kasumpong sang duha sa posisyon amo si Divina Miranda, asawa sang incumbent mayor nga si Benjie Miranda, nga sa subong wala pa nakapasa sang iya COC.
Madumduman nga si Cordero, sa iya tatlo ka termino bilang konsehal, yara sa idalum sang partido sang mga Zayco.
Sa subong, nagadalagan siya bilang independente nga kandidato kag magapakigsumpong sa iya anay ka-partido para sa ikaduha nga pinakamataas nga posisyon sa siyudad. – BNFM Kabankalan
