Duna nay tulo (3) ka mga person of interest ang Davao City Police Office sa nahitabong pagbusikad sa sakyanan sa usa ka abogado Huwebes sa buntag, Hunyo 15 sa Ecoland ning dakbayan sa Davao.
Kini ang gikumpirma ni DCPO Spokesperson Major Catherine dela Rey sa Brigada News Team.
Samtang, nagmugna na sab ang kapulisan og Special Investigation Task Group kon SITG nga maoy tahasan nga mutotok ug mag-imbestiga sa nahitabong pagbusikad.
Sumala pa ni Major dela Rey nga si PCol. Alberto Lupaz ang commander sa maong SITG-Magulta.
Dugang pa ni Maj. dela Rey nga padayon pa sab nila karon nga ginasuta kung unsang matang sa explosibo ang gigamit ug asa kini napalit, wala sab nila gipadaplin nga posibleng diri sulod sa Davao gihimo ang maong explosibo sanglit hugot ang gihimong seguridad sa pasulod ug gawas sa checkpoint sa syudad.
