Masobra sa P1,156,000 ang total sa ginpanghatag nga cheque sa mga insured beneficiaries nga hograisers ukon mga naga-alaga sang baboy depende sa kadakuon sang nangin halit sang ASF sa ila sang Philippine Crop Insurance Corporation (PCIC).
Ang PCIC isa ka programa sang Gobyerno Nasyonal nga nagahatag proteksyon sa mga mangunguma kag sa ila nga produkto, batuk sa mga kalamidad nga dala sang bagyo, baha, peste kag mga sakit.
42 ka mga mangunguma ang ginhatagan bulig sang PCIC pinaagi sang gobyerno probinsyal kag Provincial Agriculturist office sang tinalikdan nga Huwebes, Hunyo 15.
Ang gobyerno probinsyal nagahimo na sang pamaagi nga mahatagan man sang bulig ang mga hog raisers nga indi insured sa idalumm sa PCIC.
Gina-validate na sa karon ang mga hograsiers nga pwede mapaabutan sang ayuda.
Suno kay Governor Fredinel Castro ang mga mangunguma ang ginasaligan sang mga pumuluyo agud indi pag-abtan ang probinsya sang gutom.
Importante ang mga ini nga pundasyon sang probinsya kag tion na para buligan sila. Yari man ang presensya nanday Human Resource Management Office Head kag Provincial Information Officer Atty. Luvim Amores kag Provincial Agriculturist Sylvia Dela Cruz. | Judy Ann Juare
