Kritikal ang kondisyon sang mag-asawa matapos maaksidente takna alas 5 sang hapon May 15, 2024 sa National Highway Sitio Cabubuan, Barangay Pilar, banwa sang Hinigaran.
Ang mag-asawa gin-kilala nga sanday Mark Joseph Luab, 41 anyos, isa ka truck driver kag amo ang nagadala sang Suzuki smash nga motor samtang ang iya angkas si Judith Luab kag lunsay residente sang Purok Cantiao-Tao, Poblacion IV, Tanjay City, Negros Oriental.
Ang driver naman sang Kawasaki Bajaj – Tricycle amo si Leonardo Gavelino, 68 anyos, residente sang Brgy. Marina, banwa sang Binalbagan kag may yara ini isa ka pasahero nga gin-kilala kay Martin Francisco, residente sang Purok ipil, Brgy. Pillar banwa sang Hinigaran.
Base sa report sang Hinigaran Police Station, nagasunod ang biktima sa tricycle pakadto sa banwa sang Binalbagan samtang ang mag-asawa naghalin sa Bacolod City agud makumpanyar sa ila himata.
Suno sa pulis, nag-overtake sa tricycle apang hinali ini nag left turn kag bangod sa madasig nga dalagan sang biktima, nakabunggo sa tricycle.
Nakaagom ang mag asawa sang head injuries bangod natabog ang ila helmet sa mabaskog nga impact. Kritikal ang kahimtangan sang mga biktima kag Gin refer sa Dumanguete City Hospital samtang minor injuries ang naagom sang tricycle driver kag iya sini pasahero.