DUNGAN sa padayong kampanya sa kapulisan batok smugglers nga naka-penetrate na sa merkado sa gibaligya kontrabando nga sigarilyo.
Nakumpiska sa kapulisan sa GenSan ang sinakong smuggled cigarettes nga nagkantidad og naa sa P420, 000.
Sa impormasyon gikan sa General Santos City Police Office (GSCPO) alas 3:30 sa kadlawon Sabado nakadawat sila og impormasyon. Kalabut sa pag-unload sa sigarilyo nga sagad gikan sa Indonesia sa Phase B, Public Market sa Barangay Dadiangas South. Giadtoan sa kapulisan apan nakadagan na sa lugar si alyas Jomeng, taga Barangay Labangal nga gituohang nagpaluyo sa unloading.
Naimbargo ang duha ka sako nga Gudang baru, walo ka sakop sa iladong sigarilyo lakip ang lima pa ka sako sa ubang brand sa sigarilyo. Kasong pagsupak sa Republic Act 10863 o An Axt Modernizing the Customs and Tariff Administration ang atubang sa responsable.
Una nang, gibutyag sa Bureau of Customs (BOC) sa GenSan nga usa sa prayoridad nila ang kampanya batok smuggled cigarettes. I Richel Gubalani
