Gin release sa Kalibo Municipal Police Station ru driver it pick-up nga naka bangga sa tricycle driver patay sa Cardinal Sin Avenue Brgy. Mabilo, Kalibo, Aklan.
Nagkaeasugot ru pamilya nga indi eon mag pasaka’t kaso sa condition nga paga bayran ru tanan nga mga gaeastuson particular sa pag paeobong sa biktima.
Kun matandaan, naga paadto konta sa Kalibo halin sa new Washington ru pick-up kat aksidenting mabanggaan ru tricycle dahilan it pagkamatay it biktimang si Cris Herradura, 30 anyos, residente it Brgy. Malogo, New Washington.
Samtang, uwa eon pagkasuhi ru driver it pick-up nga si Aladin Vipinosa, 46 anyos, ng Brgy. Bayot Drive, Roxas City, Capiz samtang presenting naga estar sa Hacienda Caridad Subdivision Brgy. Tigayon, Kalibo.
Naka angkon it head injury ru biktima rason it pagkamatay samtang gina bueong sa hospital.//MARIVIC Y. ILIN
