Simbahan sa Panay, ginsulod sang kawatan

Nataban gid sang wala makilala nga mga kawatan ang pila ka mga instrumento sa sulod sang San Agustin Parish Church sa Brgy. Cogon, Panay, Capiz.

Sandig sa Panay Municipal Police Station, takna alas 3:10 kahapon sang Domingo, Hunyo 23, nagpadulong sa ila istasyon ang sekretarya sang simbahan nga si Ma. Cristina Bacarro, 47-anyos, kasado, residente sang Brgy. Cudian, Ivisan apang temporaryo nga nagapuyo sa nasambit nga lugar agud ipa-record ang natabo.

Suno kay Bacarro, takna alas 5:55 sang aga sa kapareho man nga adlaw, nadiskubrehan nalang sang sakristan sang simbahan nga bukas na ang pertahan sang choir loof kag wasak na ang padlock sini, kag sa iya pagsulod wala na ang pila ka kagamitan sang choir nga ginakalakipan sang tatlo ka unit sang amplifier; apat ka microphone, isa ka unit sang Mixer, mga speaker kag extension nga nagabalor tanan sang P70,000.

Sa karon, padayon pa ang imbestigasyon sang kapulisan agud matumod ang yara sa likod sang pagpangawat. | Judy Ann Juare

Leave a Reply

Your email address will not be published. Required fields are marked *