Kinumpirma ng Naval Forces – Western Mindanao ang sightings ng 2 barkong pandigma ng China sa Basilan Strait.
Ayon sa Armed Forces of the Philippines, natukoy ang PLA Navy vessels na isang training ship na may bow number na 83 at isang amphibious transport dock na bow number na 999.
Bilang pagtalima sa standard operating procedure, dinispatsa ng AFP ang BRP Domingo Deluana para i-monitor ang pagdaan ng 2 PLA Navy vessels.
Nag-isyu rin ng standard challenge ang barko ng bansa sa naturang Chinese warships.
Tugon naman ng mga barko ng China, nagsasagawa sila ng normal navigation sa kanilang last port of call sa Dili, Timor Leste papunta sa Dalian, China.
Nabatid na Basilan Strait ay kinikilala
bilang international passage of vessels ng iba’t-ibang mga bansa.
Samantala, matapos ang presensya ng 2 barkong pandigma ng China, sinabi ng AFP na nanatili silang nakaalerto sa maritime zones ng bansa.
Tiniyak din nila na ipagpapanggol nila ang territorial integrity ng bansa.
