Opisyal nang idineklara ng PAGASA ang pagtatapos ng El Niño.
Dahil dito – inilabas na ang final advisory ng El Niño, habang paghahandaan na rin ang La Niña.
Sa abiso ng weather bureau, mayroong 69% chance na ideklara ang La Niña pagsapit ng July-August-September.
Matatandaaang kamakalawa nang ideklara rin ng PAGASA ang official start ng rainy season.
Ngaoyong araw – asahan pa rin ang mga tiyansa ng pag-ulan sa ilang bahagi ng bansa dahil sa Southwest Monsoon.
Ayon sa PAGASA, mataas ang posibilidad ng kalat-kalat na pag-ulan sa bahagi ng Metro Manila, Ilocos Region, Cordillera Administrative Region, Zambales, Bataan, Tarlac, Pampanga, Bulacan, CALABARZON, MIMAROPA, Western Visayas, Zamboanga Peninsula, Basilan, Sulu, at Tawi-Tawi dulot ng naturang weather system.
Ugaliin pa rin ang pagdadala ng payong dahil maaaring makaranas ang nalalabing bahagi ng bansa katamtaman hanggang sa maulap na papawirin na may kasamang pulo-pulong mga pag-ulan bunsod ng localized thunderstorms.
