Mokabat sa P400,000.00 kantidad sa droga nga gisakay og drone ang nababagang makasulod sa City Jail sa Maa ning syudad.
Subay sa report sa Bureau of Jail Management and Penology XI, usa ka kagawad sa Brgy. Ma-a, Davao City ang nakakaplag sa drone sa Purok 25-B, People’s Village, Ma-a, Davao City sa miaging Oktubre 18, 2021.
Dali niya kining gireport sa Talomo Police Station 3, ang drone nga dunay camera nagtangag sa tulo ka pakete sa shabu nga motimbang og kapin kun kulang 25 gramos.
Gisiguro sa BJMP nga pahugtan pa ang pagbantay sa pasilidad aron masigurong luwas ang tanang Persons Deprived of Liberty samtang anaa sa ilang poder gikan sa susamang mga butang. BNFM-DAVAO
