Patay kat makit-an ro 61-anyos nga eaeaki sa gilid it kaesada sa Brgy. Janipaan Este, Cabatuan, Iloilo, kahapon Nobyembre 1.
Base sa pahayag it Cabatuan Municipal Police Station, nakit-an nga nagabaeikutot ag may nina sa ueo kat makita ro eawas it eaeaki sa binit it kaesada.
Ginkilaea ro bangkay ni Carmelo Torre it nasambitan nga barangay.
Base sa impormasyon, ulihi nga nakit-an si Torre nga hieong sa milasyunan bago ro insidente. Posible segun nga natumba ro eaeaki samtang pauli.
Padayon man ro imbestigasyon it mga kapulisan; nakataeana nga i-autopsy ro bangkay ni Torre./JIL B. LACSON
