Anini-y Antique-Pilas sa nagkalin-lain nga parti kang lawas ang naagum kang sangka senior citizen matapos dya nga mabunggoan sa bahin kang Brgy. Magdalena, Anini-y, las-12:25 sa tag-irigma , Mayo 24.
Ginkilala ang biktima kay Eric Erispe,67-anyos, single sangka mangunguma kag residente kang Sitio Panabigan, Brgy. Magdalena samtang ang suspek naman amo ang sangka menor de edad nga nakaangkon man kang pilas sa lawas.
Suno sa imbestigasyon, samtang nagabyahe ang suspek kang anang Honda RS150 nga motorsiklo nga naghalin sa Brgy. Casay paagto sa Brgy. San Roque kang aksidente lang kadya nga nabunggoan ang biktima nga hinali lang nga naglaktud sa karsada.
Gilayon nga gindara kang rescue team ang biktima sa pinakamarapit sa hospital samtang ang driver ang gindara sa Iloilo City para sa nagakaigo man nga pagpabulong
