LEGAZPI CITY – Maabot sa labi 300 na mga pasahero an stranded sa probinsya kan Albay nin huli sa bagyong Aghon.
Segun sa Philippine Coast Guard (PCG) Bicol, pinakadakol na nairehistro sa Pio Duran Port na may 219, kaibahan an walong rolling cargoes asin duwang vessel; mantang sa Tabaco Port, igwa ki 96 na stranded na pasahero, duwang rolling cargoes, apat na vessel sa taking shelter asin sampulong motorized bangka.
Sinuspinder naman kan opisina an byahe kan mga barko sa mga pantalan sa rehiyon makalihis na makasabay na sa storm signal an rehiyon.
