Nilinaw ni Senador Jinggoy Estrada na noong Abril pa nangyari ang kumakalat na viral video na kinasasangkutan niya at ng isang babae.
Makikita sa video na nagkainitan ang dalawa matapos hindi payagan ang senador na ianunsyo ang pamimigay ng cash assistance sa mga nasunugang residente ng San Juan.
Ayon kay Senator Estrada, malinaw na pamumulitika lamang ito dahil pinapalabas umano ng video na inaabuso niya ang kanyang posisyon.
