Magsasagawa ng pagidnig sa Biyernes ang Senate Committee on Foreign Relations ukol sa hiling ng Estados Unidos sa gobyerno ng Pilipinas na temporary housing sa bansa para sa Afghan refugees.
Sa abiso ng Senate panel na pinamumunuan ni Sen. Imee Marcos, nakasaad na executive meeting lang dapat ang isasagawa ng komite, pero dahil sa significance at urgency ng usapin, nagpasya ang komite na magdaos na ng public hearing.
Batay ito sa resolusyon ni Sen. Marcos noong nakaraang linggo kung saan kanyang inilahad ang kanyang nalaman mula sa sources na may mga Afghan nationals na dadalhin dito sa bansa.
Nangangamba aniya ang senadora na maaari itong magdulot ng banta sa national security at kaligtasan ng publiko.//CA
