Pinasalamatan ni Senate Committee on Health, Chairperson, Senador Christopher ‘Bong’ Go si Pangulong Ferdinand Marcos Jr. dahil sa naging pahayag nito sa kanyang State of the Nation Address (SONA).
Binanggit kase ng Pangulo na nais nitong palawakin pa ang bilang ng mga Super Health Center sa buong bansa na siyang isa naman sa mga proyektong itinutulak ni Go.
Ayon kay Go, sa pamamagitan ng pagpaparami nito ay tiyak niyang mas mailalapit ang serbisyo ng gobyerno sa mga indigent at nasa liblib na lugar.
Maalala, ayon sa naging SONA ni Pangulong Marcos, sa pagsasagawa nito ay magiging katuwang ng gobyerno ang lokal na pamahalaan upang malagyan ng sapat na doktor at nurse ang mga centers.
