Nagpakitang gilas at nagpintura si DepEd Secretary Sonny Angara sa isinasagawang Nationwide Brigada Eskwela sa Mataas na Paaralan ng Neptali A Gonzales sa Mandaluyong City ngayong araw.
Ito ay bilang paghahanda ng paaralan sa pagbabalik sa eskwela ngayong Hulyo.
Una nang nilibot ni Angara ang ilang paaralan sa Quezon City noong Sabado na nagsagawa rin ng Brigada Eskwela.
Magbubukas ang School Year 2024-2025 sa mga pampublikong paaralan sa July 29.
