Sumabak agad si Pangulong Bongbong Marcos sa kanyang public engagement pagkatapos ng kanyang ikatlong State of the Nation Address kahapon.
Pinangunahan ng Pangulo ang ika-160 anibersaryo ng kapanganakan ni Apolinario Mabini sa Tanuan City sa Batangas.
Sa kanyang mensahe, hinimok ni Pangulong Marcos ang mga kabataan na gawing inspirasyon at halimbawa ang buhay ni Apolinario Mabini upang magpunyagi sa buhay.
Hangad din ng Presidente na higit pa sanang maunawaan ng mga batang henerasyon ang mga pilosopiyang pampulitika at panlipunan ni Mabini upang mahikayat daw silang mag-ambag sa pagsulong ng ating bansa.
