Winelcome ni Senadora Risa Hontiveros ang naging paghahain ng kasong qualified trafficking ng Presidential Anti-Organized Crime Commission’s (PAOCC) kay suspended Bamban, Tarlac Mayor Alice Guo at maging sa ilan pa nitong kasamahan.
Ito ay matapos ang pagkasangkot ng alkalde sa kamakailang ni-raid na Philippine Offshore Gaming Operator (POGO) hub sa Bamban, Tarlac na di umano’y sangkot sa love at cryptocurrency scam.
Alinsunod nito, nagpasasalamat ang senadora sa PAOCC at Department of Justice- Inter-Agency Council Against Trafficking (DOJ-IACAT) sa kanilang ipinakitang pagpupursige sa pagre-raid ng POGO at pagrescue sa mga Pilipino at dayuhang nabiktima ng panloloko at pang-aalipusta.
Kaugnay nito, umaasa rin ang senadora sa paninindigan ng buong gobyerno sa tuluyang pag-ban o pagpapaalis sa POGO sa bansa.
