Hindi na umano nagulat si Senadora Risa Hontiveros sa natuklasan ng Commission on Elections (COMELEC) na iisa lang ang fingerprint ni suspended Bamban, Tarlac Mayor Alice Guo at ang Chinese national na si ‘Guo Hua Ping’.
Anya, bago pa kase ito ay napatunayan na ng National Bureau of Investigation (NBI) sa kanilang isinagawang dactyloscopy na pareho lang ang fingerprint ng dalawa sa ilalim ng siyensiya.
Ngunit sa kabila nito, kinikilabutan pa rin ang senadora dahil nakuhang makaupo sa pwesto ng isang Chinese national sa isang bayan sa Pilipinas.
Kasunod nito, tiniyak niyang patuloy lang sila sa pagsasagawa ng pagdinig sa Senado dahil sinasalamin lang nito ang pagkukulang ng Philippine Statistics Authority (PSA) at COMELEC sa kanilang tungkulin.
Samantala, kumpiyansa naman si Hontiveros na hindi kailanman matatahimik ang buhay ni Guo hangga’t hindi ito humaharap sa Senado kaya naman muli siyang nanawagan dito na magpakita na.
