Batid ni Senate President Pro Tempore Jinggoy Estrada na naging ‘harsh’ at ‘insensitive’ siya sa pakikipag-usap kina Sandro Muhlach at Gerald Santos na kapwa biktima ng pang-aabuso.
Kasunod ito sa naging huling pagdinig ng Senate Committee on Public Information and Mass Media ni Senador Robin Padilla.
Ngunit paglilinaw niya, ang kanyang ipinakita ay isa lang ‘passionate approach’ na siyang taliwas sa paniniwala ng iba na nambi-victim blame siya.
Agad namang humingi ng pasensya ang senador dahil dito at nilinaw niyang wala siyang intensyon na balewalain ang mga naranasang pang-aabuso ng mga ito.
Anya, bilang parte siya ng industriyang ito ay gusto lang din niyang maresolba ang problema hinggil dito.
