Gikumpirma ni Davao City Mayor Sara Duterte-Carpio nga nagpadala na og sulat ang lokal nga panggamhanan sa Regional Interagency Task Force Against Covid-19 (RIATF) aron hangyuon nga ipatuman ang semi-close border sa tibook rehiyon.
Sumala sa alkalde, kini aron limitahan ang paggawas sulod sa mga sa tanang entry points taliwala sa nagkadaghang bag-ong variants nga natala sa mga kasikbit nga rehiyon.
Giklaro sa Mayor nga walay labot sa semi-closed border ang mga essential travelers nga hugtanon pa gihapong moagi sa striktong proseso ayha makasulod sa mga entry points.
Pasabot sa Mayor nga kawang lang kung ang dakbayan sa Davao lang ang magpatuman niini sanglit sentro sa komersyo sa Rehiyon Onse.
Sa karon nagnulat pa og tubag ang RIATF sa ubang chief executives sa Davao Region bahin sa maong hisgutanan.
