Nanawagan karon ang pamilya sa usa ka babayeng nakabsan sa kinabuhi human nga nabiktima sa hit and run kagabii sa kanto Tapay, Mintal, Davao City.
Kini tungod hangtud karon wala pa gihapon madakpi ang drayber sa pick-up truck nga maoy nakabangga sa biktima nga si Honey Joy Hingco hamtong ang edad residente sa maong Lugar.Panawagan sa pamilya sa biktima sa drayber nga mopatim-aw og atubangon ang responsibilidad nga iyang giikyasan.
Una niini, dominggo sa gabie dihang nahitabo ang insidente samtang sakay sa motorsiklo ang biktima.Sa eksklusibong interbyu sa Brigada kang Martin Martines ig-agaw sa biktima, dunay gihatod sa Tugbok si Honey uban sa iyang uyab angkas sa motorsiklo dihang pag-abot sa usa ka gasolinahan nihunong aron unta magpatubil apan niabot ang kolor itom pick-up nga pasulod sa New Loon.
Gilikayan sa motorisklo ang pick-up apan ulahi na dihang naligsan ang biktima resulta sa grabeng mga samad og bali sa lawas samtang ang nakaligis nideretso sa pag-ikyas.
Sa karon gihaya na sa iyang pamilya ang biktima.
