Selos ang hinungdan nga gidunggab-patay sa bana ang iyang kaugalingong asawa, pasado alas-5:00 kagahapon sa buntag, Disyembre 26 sa Blk 3, Lot 18, Aquamarine St., San Antonio Village, Brgy. 19-B, ning syudad sa Davao.
Sa pakighinabi sa Brigada News Fm Davao sa suspek, pila ka higayon na samtang nangatulog silang duha, dunay laing pangalan sa lalaki nga sampiton ang iyang asawa hinungdan sa ilang panaglalis, hinungdan nga misangko kini sa pagpanunggab.
Una paman nahitabo ang krimen, nakadungog ang ilang anak nga naglalalis ang ilang mga ginikanan nga nailang sila Francisco Darong, 74 (suspek) ug ang biktima nga si Vergelia Piamonte Darong, 70.
Ug pila ka minuto ang milabay migawas ang suspek nga bitbit ang duha ka nagkadugo nga kutsilyo gikan sa ilang kwarto, hinungdna nga dali silang nanawag og police assistance.
Wala na natabang ang biktima og giodeklara kining patay gumikan sa mga naangkon niini nga daghang samad-dinunggaban sa nagkadaiyang bahin sa iyang lawas.
Nasayran gikan sa pamilya sa suspek nga nakasinati kini og depresyon ug na-diagnose og schizophrenia (skit·suh·freh·nee·uh) sukad tuig 1995. Usa kini ka matang sa seryosong mental disorder.
Kasamtangan, balhug na sa San Pedro Police Station samtang gihikay na ang kasong Parricide batok sa suspek.
