Pilas sa ulo ang naangkon sang isa ka tricycle driver matapos ginluthang sang makaduha ka beses sang wala makilala nga persona sa Magallanes Street, Brgy. III, Roxas City takna alas 2:00 kaina sang kaaganhon, Disyembre 22.
Ginkilala ang biktima kay alyas William, 24-anyos kag residente sang Brgy. Tanque sining syudad.
Sandig sa imbestigasyon sang Roxas City PNP, samtang nagahulat sang pasahero ang biktima hinali nalang ini ginluthang sang isa ka persona nga nagasakay sa raider 150 nga motorsiklo.
Ginpadangat naman sa ospital ang biktima para sa nagakaigo nga pagbulong.
Sa karon, padayon sa gihapon ang imbestigasyon kag hot pursuit operation sang mga kapulisan sa suspek. | Judy Ann Juare
