Ginasaligan it Malay Tourism office ro pagdagsa it mga lokal ag internasyunal nga mga bakasyunista sa isla it Boracay sa selebrasyon it beach party o mas kilaea nga LaBoracay nga pagahiwaton makarang Abril 26 hasta Mayo 1.
Base pa sa taeatapan, ro selebrasyon makarang dag-on hay nakatutok sa sustainability concept.
Raya hay pagahiwaton agud mabalanse ro pag-damoe it turismo nga uwa ginabalewala ro pag-alaga sa natural nga manggad it isla ag makaangkon man it “environmental awareness” ro publiko .
Matandaan nga ku nagtaliwan nga mga dinag-on bangud sa pagpanalasa it pandemya, ginsuspende anay ro selebrasyon it LaBoracay sa sikat nga tourist destination./JIL B. LACSON
