NAA sa ‘high state of safety’ ang level sa safety sa GenSan, kini ang gibutyag sa opisyal sa pulis sa pag-atubang sa sesyon Martes. Human gipangutana ni Konsehal Rosalita Nunez kung unsa kaluwas ang GenSan human insidente sa pagpamusil Lunes sa gabii.
Matud ni PLt. Col Jaime Chavez, Deputy City Director for Operation (DCDO) sa City Police Office (GSCPO) isolated ang nahitabong insidente. Asa karon, giimbestigahan pagpatay sa bank manager nga si Peter Tiang Salvador ug pag-igo sa saag nga bala sa sikad drayber nga si Adonis Bercero pipila ka minuto ang gintang human gipusil si Salvador.
Dugang ni Salvador, miubos ang ihap sa krimen sa siyudad karong tuiga kung itandi nakalabay’ng tuig sa samang panahon. Gibutyag usab ni Chavez nga dunay ‘better’ intelligence network ang GSCPO ug kumpyansa kining maresolba ang mga krimen.
Pipila ka oras human ang pamahayag ni Chavez, subling naka-iskor ang motorcycle- riding in tandem criminals. Asa gipusil-patay ang usa ka Anthony Asuncion, ATM techinician nga taga Barangay Bula ning siyudad. I Richel Gubalani
