MAKA-APEKTO gayod sa mga tricycle drivers ang pagsaka sa presyo sa gasolina ug adunay dakung mahimo niini ang paghan-ay sa pamasada sa syudad subay sa transport code sumala sa usa ka opisyal.
Sa pahayag ni Red Cluster Vice President Alessandro Arenio sumala niini nga sa matag usbaw sa presyo sa gasolina maigo gayod ang ilang sector apan aduna siyay hangyo sa mga kapwa nila drivers nga dili dayon magpasaka og pletihan.
Ang rason ni Arenio nga ang mga nagasakay sa tricycle mga susama usab nila nga kabus nga walay mga kaugalingon nga sakyanan mao nga mosakay sa tricycle, unya apektado usab sa usbaw sa lana ug ubang palaliton, ang hangyo niini nga maghulat sila kon ma-aprubahan na sa konseho ang ilang giduso nga usbaw sa pletihan nga 15 pesos sa minimum sa unang upat ka kilometro unya dos pesos sa musonod nga kilometro.
Gidugang ni Arenio nga kinahanglan nga mo-utong una ang mga driver kay anaa na daw sa second reading sa konseho ang ilang fare increase. I Ver Diazon
