GIDEKLARANG dead on arrival sa Diagan Hospital ang usa ka freelance technician alas 4 pasado sa hapon sa Ramos Street kanhing Lapu Lapu st., Brgy. Dadiangas East. GenSan.
Sa report sa Pendatun Police Station, ang biktima giila kang Anthony Magbanua Asuncion, 39-anyos, nga may address nga Blk. 4, Lot 1, Villa Jacinta, Las Piñas City, apan temporaryong nagpuyo sa Zone 2-C, Block 23 extension, Brgy.Bula, GenSan.
Segun sa testigo sa insidente, nga miadto lang sa maong lugar ang biktima tungod may gipapirmahan nga kontrata apan samtang nagbarog sa gawas sa giadtuan niini sakay sa motorsiklo may miabot nga laing motorsiklo ug gipusil ang biktima.
Gidali pa sa pagdala sa ospital ang biktima apan DOA kini subay sa deklarasyon sa doctor tungod sa daghang samad pinusilan sa lawas.
