Hindi naman ititigil ng Presidential Security Command ang pagbibigay ng seguridad at proteksyon kay Vice President Sara Duterte matapos itong tanggalan ng security ng Philippine National Police (PNP).
Kasunod ito ng pahayag ng Bise Presidente na inilarawan niyang ‘political harrassment’ ang pagtanggal sa 55 pulis na nakatalaga sa kanya.
Saad ni PSC Commander Major General Nelson Morales, ni-reorganisa ng pamahalaan ang Presidential Security Group, na tatawagin na ngayong President Security Command.
Dagdag pa ni Morales, mananatili silang propesyonal at mission-oriented bilang isang unit ng Armed Forces of the Philippines (AFP).
