LEGAZPI CITY – Binawian na nin buhay an saro sa limang pasahero lugadan sa nangyaring banggaan nin tren asin van sa Brgy. Gapo, Daraga, Albay. Kinumpirmar ini kan Daraga Municipal Police Station sa Brigada News FM Legazpi, kun sain basado sa progress report na pigklaro ninda sa traffic investigator, an biktima, sarong 25 anyos na lalaking graduating student asin residente kan Brgy. Travesia Guinobatan.
Mientrastanto, istorya kan kapamilya kan biktima, makalihis an insidente, enot ining idinara sa Bicol Regional Hospital and Medical Center asin nagin matrayumpo an neurological procedure, asin inilipat sa Ace Medical Hospital, alagad nagadan alas 9:15 nin aga kasudma.
Kun magigirumduman, nangyari an aksidente kan Sabado, Hulyo 27, kun sain pasiring kuta sa Sorsogon an van nganing mag-outing lunad an nasa 13 pasahero, mantang an tren man iyo an haleng Sipocot, Camarines Sur pasisiring sa syudad kan Legazpi.
