Nag-courtesy call kay Pangulong Bongbong Marcos ngayong umaga ang Secretary General ng Permanent Court of Arbitration na si Dr. Marcin Czepelak.
Sa kanyang mensahe, nagpasalamat ang Pangulo sa pagbisita ni Czepelak sa Pilipinas lalo na’t mahalagang bahagi anya ng foreign policy ng bansa ang Permanent Court of Arbitration.
Lalo na anya sa kinakaharap na hamon ngayon ng bansa, at sa patuloy na pagsunod ng Pilipinas sa international law.
Nabatid na ang PCA ang naglabas ng 2016 Arbitral Ruling na nagdedeklara na pagaari ng Pilipinas ang West Philippine Sea.
