Ipinag-utos na ni Interior Sec. Benjamin Abalos Jr. sa Philippine National Police ang malalimang imbestigasyon sa kaso ng nawawalang beauty queen na si Catherine Camilon.
Sa isang pahayag , sinabi ni Sec. Abalos na dismayado siya sa pagkakasangkot umano ng isang pulis sa pagkawala ni Camilon.
Kaya naman tinitiyak niya sa publiko ang isang patas at walang kinikilangang imbestigasyon ukol dito.
Hindi raw niya kukunsintihin at pagtatakpan ang maling gawain ng sino mang miyembro ng PNP.
Maaalalang inalis na sa pwesto ang naturang pulis upang alisin ang anumang pagdududa ng publiko sa posibleng whitewash o cover-up habang isinasagawa ang imbestigasyon.
