Bangud sa mga mabahoe nga baeod daea it southern monsoon ag mas ginpabaskog pa it tropical storm “Maring” nasamad ro seawall sa baybayon it Sebaste, Antique.
Base kay Poblacion Punong Barangay Gregorio Bendol, nasamad ro seawall it lugar bangud sa mga mabahoe nga baeod ku Martes it gab-i.
Matandaan nga ginpatindog ro seawall lima ka dag-on eun ro nagtaliwan ag may haba raya nga 100 metro.
Kasunod sa pagkasamad, tatlo ka mga pamilya nga ginakaeakipan it 15 nga mga indibidwal ro insigida nga nagpaeuwas.
Nareport man nga ro andang binayaan nga mga panimaeay hay ginhbaha ag nasamad bangud sa bagyo.
Samtang, tatlo ka mga pamilya man ro nagdesisyon nga magduhong eang sa andang mga panimaeay sa pihak it kalamidad.
Base sa lokal nga gobyerno it Sebaste, Antique, P2 milyon ro kinahangean nga pondo agud uman nga mapatindiog ro seawall./JIL B. LACSON
