Patay ro sambilog ka school principal matapos ginbuno it uwa pa nakilaea nga suspek sa anang kaugalingon nga apartment sa Green Earth Subdivision, Barangay Mongpong, Roxas City, Capiz.
Ginkilaea ro persona nga si Jun Mencedez, 56-anyos ag School Principal it Minoro Elementary School sa Mambusao, Capiz.
Base sa pahayag it Roxas City Police Station, nag-inuman ro biktima kaibahan kanday Alvin Aniero ag sambilog pa nga uwa nakilaea nga indibidwal.
Sa imbestigasyon it mga otoridad, nauna nga nag-uli si Aniero ag ro biktima eamang ag ro uwa pa nakilaea nga lalaki ro nabilin sa apartment.
Bigla eun eamang segun nga nagkaroon it singgitanay rason nga nabulabog ro iban nga mga tenant sa apartment ag nakit-an eun eamang ro menor de edad nga unga it biktima nga nagatangis sa patay nga eawas it biktima
Ginsugod pa sa ospital si Mencedez pero gindeklara man it doctor nga dead on arrival.
Narekober sa crime scene ro sambilog nga gunting ag cap nga itom.
Sa presente, padayon ro imbestigasyon it mga kapulisan sa insidente./JIL B. LACSON
