Inatasan ni Pangulong Bongbong Marcos ang Department of Education (DepEd) na gawin ang lahat upang matuloy ang pagbubukas ng klase sa July 29.
Sa ambush interview sa Pangulo sa San Mateo, Rizal – sinabi niyang hanggat maaari ay ituloy ang pagsisimula ng Sschool year 2024-2025 sa Lunes.
Lalo na anya sa mga eskwelahan na maayos naman ang kondisyon at hindi masyadong naapektuhan ng bagyo.
Habang ipinauubaya naman ng Pangulo sa mga eskwelahan na binagyo ang pag dedesisyon kung kakayanin o hindi na magbukas ng klase.
At kung hindi talaga maaaring gamitin ang mga eskwelahan tulad ng mga nalubog sa baha at marami pang putik, pwede naman anyang mag klase sa ibang paraan tulad noong pandemic.
