LEGAZPI CITY – Nakaresibe nin sarong mobile X-ray van an Department of Health (DOH) Bicol hale sa Philippine Business for Social Progress (PBSP).
Segun sa ahensya, dakulaon na tabang ini sa sainda nganing mas maparekas asin mas mapakusog an saindang active case finding nin TB nin huli ta pwedesir na sinda makapaglibot-libot sa manlain-lain na parte kan rehiyon nganing magsagibo nin x-ray na parte kan screening sa pag-aram kun may TB an sarong tawo.
Ini makalihis an ginibong turnover ceremony sa Healthy Lifestyle Complex kan ahensya, kun sain nagkaigwa nin pagpirma sa sarong memorandum of agreement sa pagultanan kan duwang lado.